ខេត្តតាកែវ ៖ វត្តផ្ចឹកជ្រំស្ថិតនៅ ភូមិបានទាប ឃុំសំរោងស្រុកត្រាំកក់ ខេត្តតាកែវ ត្រូវបានអគ្គីភ័យឆាប់ឆេះខាងក្នុងស្ទើរទាំងស្រុង ពីយប់ថ្ងៃសុក្រទី ២៣ ខែសីហា ឆ្នាំ២០២៤ ។

តាមសម្ដីព្រះចៅអធិការព្រះនាម ចយពៅ នឹងអ្នកនៅក្នុងហេតុការណ៍ ភ្លើងឆេះបណ្ដាលមកពី ភ្លើងទៀនដែលដុតសំរាប់ដាក់ក្នុងព្រះវិហារដើម្បីដុតរហូត តាំងពីចូលព្រះវស្សា រហូតដល់ថ្ងៃចេញព្រះវស្សា នេះជាប្រពៃណី សំរាប់ភិក្ខុសាមណេរអ្នកកាន់ព្រះពុទ្ធសានា។

ដោយមានការចូលរួម ពីប្រជាពលរដ្ឋ ភិក្ខុសង្ឃនឹងអាជ្ញាធរស្រុកត្រាំកក់បានជួយពន្លត់ទាន់ពេលវេលា ធ្វើអោយការឆាបឆេះត្រូវគ្រប់គ្រងបានទាំងស្រុងផងដែរ ។
ការជួយពន្លត់នោះដែរក៍មានប្រជាពលរដ្ឋចំនួន ៣នាក់ត្រូវបានជួបគ្រោះថ្នាក់រងរបួសស្រាល ភ្លាមៗក៍ត្រូវបញ្ចូនទៅមន្ទីពេទ្យផងដែរ។

ហេតុការណ៍នេះ ជាសារដាស់តឿនដល់វត្តដ៍ទៃៗទៀតដែលនៅក្នុងប្រទេសកម្ពុជាយើង សូមមេត្តាមានការប្រុងប្រយ័ត្នខ្ពស់បំផុត ពីការអុជធូបទៀន ដើម្បីកុំអោយអគ្គីភ័យកើតមានឡើងជាយថាហេតុ៕

ដោយ៖ ឌិន រំចង់កីឡា & Romchang Sport