ខេត្តព្រះសីហនុ៖ នារសៀលម៉ោង២:០០នាទី ថ្ងៃសៅរ៍ទី៧ខែកញ្ញាឆ្នាំ ២០២៤ ក្រោមធិបតីភាពក្នុងការចូលរួម អភិបាលនៃគណៈអភិបាលខេត្តព្រះសីហនុ ឯកឧត្ដម ម៉ាងសុីណេត ព្រមទាំងមន្ត្រីគ្រប់ជាន់ថ្នាក់បានចូលរួមកម្មពិធីសំណេះសំណាល ជាមួយបងប្អូនអ្នករត់រឺម៉កកង់បីទាំងអស់ដែលស្ថិតនៅក្នុងខេត្តព្រះសីហនុ ។
ក្នុងឧកាសនេះដែរឯកឧត្ថមមានប្រសាសន៍ថា យើងជាប្រជាពលរដ្ឋយើងក្នុងខេត្តត្រូវយល់ដឹង ពីខេត្តព្រះសីហនុ តើមានកន្លែងទេសចរណ៍ប៉ុន្មានកន្លែង យើងត្រូវតែដឹងដើម្បីបំរើក្នុងការដឹកជញ្ជួនភ្ញៀវជាតិ នឹងអន្តរជាតិមកទស្សនានៅខេត្តព្រះសីហនុយើង ។

ឯកឧត្ដមមានប្រសាសន៍បន្តថា កាលពីសម័យប៉ុលពត ៣ឆ្នាំ ៨ខែ ២០ថ្ងៃ ប្រទេសកម្ពុជាយើងមានសង្គ្រាមគ្មានសុខសន្តិភាពប្រជាពលរដ្ឋពុំដែលមានពេលវេលាដើរលំហែរកាយដូចពេលបច្ឆុប្បន្ននេះទេ ចាប់ពីថ្ងៃ ៧មករាឆ្នាំ១៩៧៩ មកដល់ពេលនេះប្រជាពលរដ្ឋមានសុខសន្តិភាពពេញលេញ មានពេលវេលាដើរលេងកំសាន្តគ្រប់ទីកន្លែងនេះ ដោយសារតែសម្ដេចតេជោនាំយកសន្តិភាពជួនពុកម៉ែបងប្អូនទាំងអស់គ្នា។

ក្នុងនោះឯកឧត្ថមបាននាំយកអំណោយដ៍ថ្លៃថ្លារបស់សម្ដេចធិបតី ហ៊ុន ម៉ាណែត យកមកចែកជួនបងប្អូនចូលរួមទាំងស្រីទាំងប្រុសមានចំនួន៨០០នាក់ដែលក្នុងម្នាក់ៗ ទទួលបានថវិការចំនួន ៣០.០០០រៀល នឹងសមាគម ចំនួន២ ក្នុងសមាគម១ទទួលបានថវិការចំនួន
៤.០០០.០០០រៀលផងដែរ៕

អត្ថបទ៖ រំចង់កីឡា